Edisi 7

Asam Janar, Marasa Banar

Amun bangaran rakyat tatap rakyat
Amun bangaran pajabat tatap pajabat

Urang barabut marabutakan rakyat
Rakyat diolah jalan jadi pajabat
Mun kada nyaman jadi pajabat
Siapa nang hakunnya jadi pajabat
Mun nyaman jadi rakyat
Siapa nang hakunnya jadi rakyat

Sapuluh kali batang batindih bilungka jua nang lenyaknya
Biar sapuluh kali pajabat baganti kada papa jua
Ianya tatap nyaman
Rakyat tatap marantan

Bbaru, 2009

Indonesianya :

Asam Janar, Merasa Benar

Kalau bernama rakyat tetap rakyat
Kalau bernama pejabat tetap pejabat

Orang berebutan memperebutkan rakyat
Rakyat diolah jalan jadi pejabat
Jika tak nyaman jadi pejabat
Siapa yang mau jadi pejabat
Jika nyaman jadi rakyat
Siapa yang mau jadi rakyat

Sepuluh kali batang bertindih mentimun juga yang remuknya
Biar sepuluh kali pejabat berganti tidak apaapa juga
Dia tetap nyaman
Rakyat tetap marantan

Bbaru, 2009

*****
Asam Janar ( kunyit ), ( kalau ) merasa benar = pribahasa Banjar
marantan = bisul yang mengandung nanah


Jikir Daun

Sisa daun
Pada sabatang puhun ragay
Bajikir
Sanja salawsalaw
Cahayanya manampur bau candana

Salambar daun luruh
Luruh ka sungay
Jikirnya masih tadangar
Waktu arus maantarnya sampay ka muara

Bbaru,2009

Indonesianya :

Jikir Daun

Sisa daun
Pada sebatang pohon ranggas
Berzjikir
Senja remangremang
Cahyanya menghembus bau cendana

Selembar daun luruh
Luruh ke sungai
Zikirnya masih terdengar
Ketika alir mengantarnya sampai ke muara

Bbaru,2009

Katia

Saban bapendér musti tabawa jaka katia jaka, jaka hidup aruah jaka
Bapendér kadada késahay garugumgarugum katia hujannya kada
Kamana aja malambak janji katia janji urangam garunuman
Limbah dituntuti kéna katia kéna kaputingannya hambar kuluman
Hadang katia hadang kada titik banyu diganggam
Urang ini handak dipadahan bungul katia pintar, dipadahakan pintar katia bungul

Nang duduk urangnya itu katia itu
Dipadahakan kadada lagi nang lain katia banyak nang pintar
Banyak nang pintar katia banyak nang akal mamilanduk
Nang ngalih mun didudukakan katia malénggang mun kada mahamput
Wan handak bakayuh katia jukung tapahalang
Kaya apa handak kayuh baimbay mun katia bacakut papadaan

Halinay sudah mun bamban katia bamban
Waluh katia waluh

Bbaru,2009

Indonesianya :

Katia

Setiap berbicara mesti terbawa jaka katia jaka, jaka hidup arwah jaka
Berbicara bukan main geludukgeluduk katia hujannya tidak
Kemana saja mengobral janji katia janji orang omelomelan
Setelah dituntuti nanti katia nanti pada akhirnya harapan tinggal harapan
Tunggu katia tunggu tidak titik air digenggam
Orang ini ingin dikatakan goblok katia pintar, dikatakan pintar katia goblok

Yang duduk (jabatan) orangnya itu katia itu
Dikatakan tidak ada lagi yang lain katia banyak yang pintar
Banyak yang pintar katia banyak yang akal mamilanduk
Yang susah kalau didudukkan katia menggoyang kalau tidak katia menohok
Dan ingin berkayuh katia jukung terhalang
Bagaimana bisa kayuh baimbay kalau katia berantam sesama warga

Apa hendak dikata kalau bamban katia bamban
Waluh katia waluh

Bbaru,2009

*****
katia = selalu, namun, tetap, ternyata,
jaka = jika, kalau,seandainya, seumpama
akal mamilanduk = banyak tipu muslihat
kayuh baimbay = seiring sejalan
bamban katia bamban = ungkapan Banjar : tetap saja menderita,miskin
Waluh katia waluh = ungkapan Banjar : sinis, selalu itu itu saja tidak ada perubahan

Edisi 8

Edisi 8


Geger Ganda Manik Sukalima
( Teater Tradisional Mamanda Kalsel )

Baladon
Tiga orang memadu tari nyanyi wan narasi
Tebu salah saray sarapun
Mun ada nang tasalah kami maminta ampun

Musik
Balai persidangan sudah kita siapkan
Sambil bataduh lapah alangkah baiknya kita memperkanal diri, kaya apa Adinda Harapan Kadua
Bujur sekali Kanda Harapan Partama. Sebagusnya maharagai nang tuha Kanda Harapan Pertama nang badahulu
Kita sudah memperkanal diri. Supaya jangan katiwasan alangkah bagusnya kita periksa sekali lagi balai persidangan
Bujur Kanda Harapan Partama, limbahitu kita berjagajaga di pintu balai persidangan
Musik

Musik
Harapan Partama wan Harapan Kadua juga, bari jalan Beta empunya diri. Beta handak mengadakan persidangan. Kaya apa bereskah sudah kalian siapkan.
Harapan Pertama wan Harapan Kedua membuka jalan :
Sudah kami siapkan Paduka

Kita sudah sampai di balai persidangan, sebelum kita mamulai persidangan terlebih dahulu kita memperkanal diri, kaya apa Pamanda Wajir, Perdana Mantri.
Sebagusnya kaya itu Paduka.
Raja badahulu memperkenalkan diri.
Tersebut beta empunya diri Maha Raja Brajapati Alam Gangga Sukma Barjiwa, bertahta di Karajaan Ganda Manik Sukalima, duduk di singgasa bertatah yakut jambrut nilam biduri, mamakai mahkota emas permata intan barlian. Apa benar Pamanda Wajir
Wajir : Benar sekali Paduka.
Ampat puluh anak rajaraja di kanan ampat puluh anak rajaraja di kiri tunduk berhidmat dihadapan Beta empunya diri. Apa benar Perdana Mentri
Perdana Mentri : Benar sekali Paduka
Mamarintah adil bijaksana disayangi rakyatnya, apa benar parmaisuriku nang bungas langkar
Parmaisuri : Inggih dasar bujur, Kanda ai
Kita sudah mamparkanalkan diri, baiklah kita mulai persidangan ini.
Sewaktu handak dibuka, Panglima Perang datang.

Musik
Gantar Gandari Buana Paksi, aku punya nama, terpangkat Panglima Perang atau Kepala Pertanda dalam kerajaan Ganda Manik Sukalima. Telah bertahuntahun mengabdi di kerajaan Ganda Manik Sukalima tak pernah mendapat cacat cela dari paduka maha raja, inilah nang menjadi kebanggaan seorang Panglima Perang atau Kepala Pertanda.
Gagah berani, sakti mandraguna, kada batampik lawan musuh, kada pilih bulu siapakah siapakah, kuhancurlumatkan sampai mati.
Gantar Gandari Buana Paksi, akulah urangnya :
Naga ulit naga umbang
Taguh di kulit sampay katulang
Wasi kuning pasak awakku kulit kijang putih babatku
Siapa yang berani menantangku
Awas, kurajam lawan tapak tanganku Si Gantar Api
Jangan cobacoba lawan Gantar Gandari Buana Paksi, mun handak tahu :
Kataku sirunduk runduk
Runduk runduk galimbanganku
Siapa nang manantang cahaya mataku
Lumpuh sebagaimana dicabut urat saribu
Baiklah aku akan masuk ka balai persidangan mungkin aku ditunggu oleh Paduka Maha Raja
Harapan Pertama, Harapan Kadua juga bari jalan aku handak masuk ka balai persidangan.
Harapan Partama wan Kadua : Baik Tuanku, silakan masuk.
Salam sejahtera Paduka.Ampun maaf hamba terlambat datang. Tapi tugas nang diberikan pada hamba telah selesai dilaksanakan.
Bagus Panglima Perang.Sanang hati Beta empunya diri mendengar.
Amun kaya ini mari kita laksanakan persidangan
Persidangan, mempersiapakan acara perkawinan anak putri maha raja nang bangaran Putri Ayu
Rumbayan Amas Rumbayan Intan lawan anak raja dari kerajaan Gumilang Kaca Salaksa
Acara dilaksanakan karasmin ampat puluh hari ampat puluh malam.
Ketika maha raja handak manutup, Hadam baucap :
Mohon ampun Paduka
Ada apa Hadam
Mohon ampun Paduka
Iya, ada apa Hadam
Mohon ampun Paduka
Nah, ujar Beta ada apa Hadam
Ujar Diang Kacil, bini Hadam pina carengehcarengeh :
Laki ulun ini Paduka ai konslet kabelnya kalo.
U, abahnya ada apa garang pina bapandir basandatsandat
Padahakan pang
Ujar Hadam :
Hamba umpat batakunlah, Paduka
Takunakan aja Hadamai
Tapi jangan sariklah
Ai, kanapa sarik, takunakan ja
Paduka mahargailah lawan sanibudaya Banjar
Ha ha ha itukah Hadam, Beta sangat menghargai senibudaya Banyar
Nanti kita adakan dalam karasmin perkawinan putri Beta, semua kesenian nang ada di kerajaan kita tampilkan dan terus kita bina, kita gali, kita lestarikan, kita bantu sagala apa nang diperlukan seniman dan grup keseniannya, tiap tahun kita adakan lomba baik kesenian yang sudah ada lawan berkreasi, kita bari’i hadiah seni lawan seniman nang berprestasi. Sabuting lagi Hadam ai, kita dirikan sakolah guru kesenian.
Tarima kasih, Paduka. Tapi Paduka
Ada apa lagi Hadam
Rasa lawas hamba kada mandangar Paduka banyanyi. Biasanya mun handak basidang
Paduka musti banyanyi wan taritarinya.
Iihlah Hadam, bujur ujar ikam
Maha Raja Brajapati Alam Gangga Sukma Barjiwa lalu bernyanyi lagu raja
Setelah selesai aparat kerajaan Ganda Manik Sukalima, kembali.
Musik

Musik
Jejer di balai persidangan Kerajaan seberang lautan Kerajaan Dundung Wowo Sagara, mempersiapkan penyerangan ke Kerajaan Ganda Manik Sukalima, rajanya murka karena ditolak mempersunting Putri Ayu Rumbayan Amas Rumbayan Intan.Siap berangkat penyerangan.
Musik

Musik
Jejer di Kerajaan Ganda Manik Sukalima, mengatur pertahanan dibantu oleh kerajaan Gumilang Kaca Salaksa atas serbuan Kerajaan Dundung Wowo Sagara

Kancah pertempuran
Dundung Wowo Sagara menggempur Ganda Manik Sukalima, namun dapat dikalahkan dan Rajanya mati di tangan Panglima Perang Gantar Gandari Buana Paksi.
Karasmin yang nyaris gagal itu kembali diteruskan.
Cerita selesai
Ditutup dengan lagu Terima kasih.

Bbaru, 2009

*****
nang bungas langkar = yang cantik, elok
kada batampik = tidak berpilih
taguh = kebal
mun, amun = jika, kalau
pina carengehcarengeh = agak genit,berseloroh
umpat batakunlah = numpang tanya
karasmin = pesta,perayaan
sabuting = satu
bataduh lapah = mengaso, istirahat, melegakan napas
lawan = dengan
wan = dan
babat = ikat pinggang

Edisi 9

Minyak Balian

Pujat lapar mata habang mancorong
Karacak mambulangkir kubur
Mayat harus dihidupakan
Manusia hidup labih manis dari madu wanyi
Labih sintal dari barangka manu
Labih harum dari asap kamenyan
Pujat malapas tangkaluban matan pinggangnya
Digantung ka akar manjulur matan atas pohon

Limbah sasajian siap
Pujat manyambur mamang
Ranying Hatatis Hiang Pi Umbung
Masuklah dalam kelenya
Masuklah dalam bahalai
Sabalum aku makan
Makanlah isi ancak
Makanlah dalam nawuluh lulung pasike
Minumlah darah manu dalam sasiri
Aku manyaru ruhruh di kukus gununggunung

Mulang mahintip di atas pohon
Matanya mangkilat maitihi
Dikaihnya tangkaluban
Diikatakannya ka pinggang
Mulang héran saban manusia mati dikubur
Salalu hilang limbah dikubur

Pujat manconténg lawan kapur sirih
di sala dua kaning di kadua pipi titik sagi tiga di dadanya
Lalu manajak laung di kapalanya
Malilitakan saraben ka awaknya
Mamasang galang hiyang di kadua paglangan tangannya
Pujat maubah dirinya manjadi wadian bawo
Lalu batandik mangalilingi mayat nang mambujur di kelenya
Dalam ambul kukus kamenyan

Mulang mahintip di atas puhun
Matanya mangkilat kata mata lading
Hidungnya mancium bau ruhruh mamakan isi ancak
Kaya latupanlatupan buah para musim panas
Ruhruh mamacah nawuluh lulung pasike
Mulang maambil minyak balian matan tangkaluban
Lalu disambunyiakannya ka dalam bajunya

Limbah tuntung batandik Pujat si setan itu
Handak manghidupakan mayat nang tabujur
Lalu handak maambil tangkalubannya
Tapi takajut banar kadada lagi tangkalubannya
Mata habang mancorong hidungnya mahinguthingut
Lalu manungadah ka atas puhun
Balalu bakuciak sarik : Mulang
Bulikakan tangkalubanku

Mulang turun matan puhun
Tangannya bakacak pinggang mamaraki Pujat
Lalu tatawa mamacahakan hutan belantara
Ruhruh takajutan
Pujat murka lalu marabuti tangkaluban ampunnya
Mulang manyingkir dari cangkaman kuracak si setan
Maka tajadilah perang tanding
Batubatu takipayan
Bukitbukit tabulangkir
Guntung karingan banyunya
Puhunpuhun baguguran daunnya
Antara kaduanya
Kadada nang manang
Kadada nang kalah

Baucap Mulang :
Perang tanding kada parlu lagi ditarusakan
Mulang malapas tangkaluban dari pinggangnya
Lalu manyarahakan lawan Pujat
Pujat mata habang mancurung muntungnya mandasis
Di dalam hatinya masih tasimpan sangkal
Malihat minyak balian kadada lagi dalam tangkalubannya
Baucap Pujat lawan Mulang :
Amun minyak balian itu ada di tangan ikam
Syaratnya ikam kada bulih mahidupakan manusia nang mati
Mulang si manusia itu badiam satumat
Limbahitu baucap : Ayu ja

Dari waktu ka waktu
Sakalinya Mulang ingkar lawan janjinya
Inya mahidupakan satiap ada manusia nang mati
Inya manuruti apa nang dilakuakan Pujat
Minyak balian dicacak burungakan ka kaning mayat

Pujat sarik limbah tahu lalu mandatangi Mulang
Handak manantangnya basaung hayam
Amun Mulang kalah
Maka harus mambulikakan minyak baliannya
Tapi hayamnya salalu kalah
Lamun di dalam hatinya masih tasimpan dandam

Mulang gair mun minyak balian dapat dirabuti
Maka inya manyambunyiakan dalam kalambu
Pujat bisa hancur mun masuk ka dalam kalambu
Tapi Pujat mandapat akal
Lalu manyuruh katikih maisapnya
Limbah kajadian itu tiap manusia mati di kubur
Salalu kuburnya di jaga

Bbaru, 2009


Indonesianya :


Minyak Balian

Pujat lapar mata merah mencorong
Cakar membongkar kubur
Mayat harus dihidupkan
Manusia hidup lebih manis dari madu wanyi
Lebih gurih dari barangka manu
Lebih harum dari asap kemenyan
Pujat melepas tangkaluban dari pinggangnya
Digantung pada akar menjulur dari atas pohon

Setelah sesajen siap
Pujat menyembur mamang
Ranying Hatatis Hiang Pi Umbung
Masuklah dalam kelenya
Masuklah dalam bahalai
Sebelum aku makan
Makanlah isi ancak
Makanlah dalam nawuluh lulung pasike
Minumlah darah manu dalam sasiri
Aku manyaru ruhruh di asap gununggunung

Mulang mengintai di atas pohon
Matanya mengkilat menatap
Diraihnya tangkaluban
Diikatkannya ke pinggang
Mulang heran setiap manusia mati dikubur
Selalu hilang setelah dikubur

Pujat menato dengan kapur sirih
di antara dua kening di kedua pipi titik segi tiga di dadanya
Kemudian manajak laung di kepalanya
Melilitkan saraben ke tubuhnya
Memasang gelang hiyang di kedua pergelangan tangannya
Pujat mengubah dirinya menjadi wadian bawo
Lalu batandik mengelilingi mayat yang membujur di kelenya
Dalam bubusan asap kemenyan

Mulang mengintai di atas pohon
Matanya mengkilat seperti mata pisau
Hidungnya menghirup bau ruhruh memakan isi ancak
Seperti letupanletupan buah para musim panas
Ruhruh memecah nawuluh lulung pasike
Mulang mengambil minyak balian dari tangkaluban
Lalu disembunyikannya di balik bajunya

Setelah selesai batandik Pujat si setan itu
Akan menghidupkan mayat yang terbujur
Lalu akan mengambil tangkalubannya
Tetapi sangat terkejut tak ada lagi tangkalubannya
Dengan mata merah mencorong hidungnya mengendusendus
Lalu menengok ke atas pohon
Seraya berteriak marah : Mulang
Kembalikan tangkalubanku

Mulang turun dari pohon
Dengan bertolak pinggang mendekati Pujat
Lalu tertawa memecahkan hutan belantara
Ruhruh pada terkesiap
Pujat murka lalu merebut tangkaluban miliknya
Mulang menyingkir dari cengkeraman cakar si setan
Maka terjadilah perkelahian yang amat sangat
Batubatu beterbangan
Bukitbukit pada ambruk
Guntung pada kering airnya
Pohonpohon pada rontok daunnya
Antara keduanya
Tak ada yang menang
Tak ada yang kalah

Berucap Mulang :
Pertarungan tak perlu lagi dilanjutkan
Lalu melepas tangkaluban dari pinggangnya
Lalu menyerahkan pada Pujat
Mata Pujat merah mencorong mulutnya mendesis
Melihat minyak balian tak ada lagi dalam tangkalubannya
Di dalam hatinya masih tersimpan penasaran
Berucap Pujat pada Mulang :
Bila minyak balian itu di tanganmu
Syaratnya kau tak boleh menghidupkan manusia mati
Mulang si manusia itu diam sejenak
Kemudian menjawab : Baiklah

Dari waktu ke waktu
Ternyata Mulang ingkar pada janjinya
Ia menghidupkan setiap ada manusia yang mati
Ia melakukan seperti apa yang dilakukan Pujat
Mengoles minyak balian pada kening mayat

Pujat marah setelah tahu lalu menemui Mulang
Menantangnya bersabung ayam
Apabila Mulang kalah
Maka harus mengembalikan minyak baliannya
Tetapi ayamnya selalu kalah
Namun di dalam hatinya masih tersimpan dendam

Mulang khawatir minyak balian akan dapat direbut kembali
Maka ia menyembunyikannya dalam kelambu
Pujat akan lebur bila masuk ke dalam kelambu
Tapi Pujat mendapat akal
Lalu menyuruh katikih mengisapnya
Sejak itu setiap manusia mati di kubur
Selalu kuburnya di jaga

Bbaru, 2009

*****
barangka manu = ayam panggang
madu wanyi = madu tawon
tangkaluban = sejenis keranjang dari rotan
mamang = ucapan mantra
kelenya = tempat berkumpulnya sanghiyang dan ruh-ruh
bahalai = sarung panjang
ancak = tempat sesajen
nawuluh lulung pasike = buluh berisi nasi yang dipanggang
batandik = menari
sasiri = mangkok
manajak laung = memasang tutup kepala ujungnya meruncing keatas
saraben = asisores berupa untaian gigi binatang
wadian bawo = dukun, para normal
katikih = sejenis semut besar bewarna hitam



Macan Panjadian

Daundaun papuhunan pada mengoléh ka bawah
Mancium bungasnya si binianbinian itu
Wan kicau burungburung tacegal lalu tarabangan
Mandangar tawa dari rupalangkar dibubus angin
Binianbinian itu malénggang di jalan satapak
Manuju bau lalakian

Ampat dari lima lakian itu
Pina panjang gulu ditarik lamah lemambot lénggang tarian
Harumnya lima tangkai kambang campaka
Ampat dari lima lakian itu
Manggusukgusuk matanya
Hutan itu sudah baubah manjadi sabuah tamanbunga

Buhannya manaksir satu sama lain
Limbah buhannya batamu lawan kikijipan mata
Lalu asingasingnya bapasangpasangan
Wan mamakan isi bungkusan lamak manis nasi lakatan

Sékong dari lima lakian
Dari tadi maalihakan matanya ka sabuah anak sungai nang maalér
di bawah tabing
Wan sékong dari lima binian itu
Binian nang bungas malah liwar bungasnya
Matanya pina bagirap dalam karinyum saribu kurihing
Makan salakasi kena sampat dingin aku sorang nang mamasak lakatan ini
Lakian dari lima lelakian itu
Masih maalérakan matanya ka arus sungai
Tangan binian nang lantik itu handak manyuapakan ka muntungnya
Lakian itu gamat mangikih lawan talunjuknya
Kada cukup lawan kurihing lalu maurayakan rambutnya
Kada cukup rabutnya lalu mahayuthayutakan awaknya
Kada cukup lawan awaknya lalu bibirnya nang kacil manggaludupakan
Lakian itu baucap : satumatlah aku handak turun ka tabing

Di subarang sana
Lakian itu manyaksiakan ampat lakian kawanannya
Tabantay barlumuran darah daging awaknya takulayakan
dimamah ampat macan nang manggairakan
Lakian itu bukah basambunyi ka higa babatuan
Binian nang sékong tadi manyasahi wan kahilangan jajak
Binian itu balalu mangiyaw : Jaka ikam ada dimana
Ada sahutan : Aku ada disini
Binian itu mandapatakan lakian itu
Lakian itu bukah pulang ka higa babukitan
Binian itu manyasahi pulang tapi kahilangan jajak
Binian itu mangiyaw pulang : Jaka ikam ada dimana
Ada sahutan : Aku ada disini
Wan lakian itu bukah pulang basambunyi ka dalam hutan
Sabalum basambunyi inya manatak talunjuknya nang tahayut lakatan
Binian itu manyasah pulang tapi kahilangan jajak
Binian itu mangiyaw pulang : Jaka ikam ada dimana
Ada sahutan : Aku ada disini
Wan binian itu cuma manamuakan sabuah talunjuk
Binian itu babulik pada ujut asalnya saékong macan
Inya sadih lalu manangis kerna inya cuma mamakan sabuah talunjuk
Wan ampat macan lainnya muntungnya balimutan darah
Ada di higanya

Lakian itu maungut lalu ada nang taingat
Limbahitu ka luar matan parsambunyiannya
Macanmacan itu manggarantam manjanakinya
Taringnya mancuking kukukukunya malarak siap handak marungkaw
Lakian itu basikap tanang baucap :
Aku tahu asalnya ikam
Sangatak sangitik asal umaikam
Maha Raja Pati asal bapaikam
Bulik ka sagala asal ikam
Balalu macanmacan itu takipik
Wan awaknya rahay manjadi habu


Bbaru, 2009



Indonesianya :


Macan Jadijadian

Daundaun pepohonan pada menegok ke bawah
Mencium eloknya si perempuanperempuan itu
Sedang kicau burungburung sontak berhenti lalu beterbangan
Mendengar tawa dari wajah ceria dibubus angin
Perempuaanperempuan itu melenggang di jalan setapak
Menuju bau lelaki

Empat dari lima lelaki
Dengan leher panjang disedot gemulai lenggang tarian
Harumnya lima tangkai kembang cempaka
Empat dari lima lelaki itu
Menggosokgosok matanya
Hutan itu telah berubah menjadi sebuah tamanbunga

Mereka menaksir satu sama lain
Setelah mereka bertemu dengan kerdipan mata
Mereka pun menjadi berpasangpasangan
Dan menyantap isi bungkusan lemak manis penganan ketan

Satu dari lima lekaki
Sedari tadi mengalihkan matanya pada sebuah anak sungai yang mengalir
di bawah tebing
Dan satu dari lima perempuan itu
Perempuan begitu cantik bahkan teramat cantik
Begitu matanya gemerlap dalam sungging seribu senyuman
Makanlah nanti keburu dingin aku sendiri yang memasak ketan ini
Lelaki dari lima lelaki itu
Masih mengalirkan matanya ke arus sungai
Tangan perempuan yang lentik itu akan menyuapkan kemulutnya
Lelaki itu pelan menepis dengan telunjuknya
Perempuan itu tak cukup dengan senyuman lalu menggerai rambutnya
Takcukup rabutnya lalu menggesekgesekkan tubuhnya
Tak cukup dengan tubuhnya lalu mulutnya yang mungil mendebarkan
Lelaki itu berkata : sebentar aku akan turun ke tebing

Di seberang sana
Lelaki itu menyaksikan empat lelaki temannya
Tergeletak berlumuran darah daging tubuhnya koyakkoyak
dikunyah empat macan yang mengerikan
Lelaki itu lari bersembunyi ke balik bebatuan
Perempuan yang satu tadi mengejar tapi kehilangan jejak
Perempuan itu memanggil : Jaka kau ada dimana
Ada sahutan : Aku ada disini
Perempuan itu menemukan lelaki itu
Dan lelaki itu terus berlari ke balik bebukitan
Perempuan itu mengejar lagi tapi kehilangan jejak
Perempuan itu kembali memanggil : Jaka kau ada dimana
Ada sahutan : Aku ada disini
Dan lelaki itu pun kembali berlari dan bersembunyi di dalam hutan
Sebelum bersembunyi ia memotong telunjuknya yang menyentuh ketan
Perempuan itu terus mengejar tapi kehilangan jejak
Perempuan itu memanggil lagi : Jaka kau ada dimana
Ada sahutan : Aku ada disini
Dan perempuan itu hanya menemukan sebuah telunjuk
Perempuan itu kembali pada wujud asalnya seekor macan
Ia sedih dan menangis karena ia hanya memakan sebuah telunjuk
Dan empat macan lainnya mulutnya berlepotan darah
Ada di sampingnya

Lelaki itu merenung dan ingat sesuatu
Kemudian ke luar dari persembunyiannya
Macanmacan itu dengan beringas menatapnya
Taringnya mencuat kukukukunya mengembang siap akan menerkam
Lelaki itu dengan tenang berkata :
Aku tahu dimana asal ikam
Sangatak sangitik asal umaikam
Maha Raja Pati asal bapaikam
Bulik ka mana sagala asalikam
Sontak macanmacan itu bergetar
Dan tubuhnya mencerai menjadi abu


Bbaru, 2009

*****
ikam = kamu, kau,engkam
umaikam = ibu kamu
bapaikam =ayah kamu

Edisi 10

Puting

Ari kada tarasa basampuk ari
Batis sasain jauh jua malangkah
Tunduk tingadah cukupkah banyumata
Mambujurakan karacak nang hambur kaut
Di sapanjang lurung

Amun malihat bintang di langit
Kada sama lawan hitungan umur
Apakah mambiarakan rambut mamutih
Umur kada babau

Kada talambat batanam nyiur
Hagan manyimpunakan sisa hidup
Manyusuri bantang lurung
Musti baputing sampai ka liang ajal

Bbaru,2009


Indonesianya :

Ujung

Hari tak terasa bertemu hari
Kaki semakin jauh juga melangkah
Tunduk tengadah cukupkah airmata
Membetulkan jejak yang kacau berhamburan
Di sepanjang jalan

Manakala melihat bintang di langit
Tak lah sama dengan hitungan umur
Apakah membiarkan rambut memutih
Umur tidak berbau

Tak kan terlambat bertanam nyiur
Untuk membenahi sisa hidup
Menyusuri bentang jalan
Mesti berujung sampai ke liang ajal

Bbaru,2009



Sandah

Lakinya kada sing bulikan
Di patak Kamariah dalam rumahnya
Kaya apa sabarnya musti ada batasnya
Hatinya panas
Manggurak sampai kabumbunan
Sopiah muhanya habang
Matanya kaluar banyu panas
Haratan sanja bahantak
Sopia badiri di muhara lawang
Batunduk lalu batungadah batunduk pulang
Disingkaynya tapih tinggitinggi
Lalu dikibahinya lawan nyiru :
Imran bulik
Lakasi bulik
Nyiru tarus dikibahakan
Sampai sanja takipik pajah
Imran masih tapatak

Sundal pandayangan
Dasar janda kamiyangan
Urang kada bamuha kada tahu supan
Maambil laki urang
Lalu marungkup Kamariah
Ditapaknya muhanya dikarukutnya
Dirunggutnya rambutnya
Kamariah tagulung tagaling dilincainya
Imran cuma tacagal kaya ampatung
Urangurang badatangan mahalat

Kamariah balu nang béngkéng
Mambukut dihatinya lawan Sopiah
Biar rabit ditangan Imbran kada dilapas
Inya umpani lawan tiga bigi nasi di palipatan batisnya
Inya minumi lawan banyu cancutnya
Imran kapayang tapatak di bawah talapak batisnya

Gula galapung biar kada bakula tapi sakampung
Kampung jadi sunyi wayah malam ari
Gula galapung biar kada bakula tapi sakampung
Rumah hinip lawang wan lolongkang basunduk rapat

Sandah maharuharu kampung
Habis makanan orang sakampungan diharunya
Gula galapung biar kada bakula tapi sakampung
Urang bukahan didapatinya
Urangurang barumbuk handak mamburu sandah
Lalu turunan mambawa suluh
Mambawa tumbak parang tatakan kayu
Kampung jadi ribut mangapungi sandah
Tapi urangurang kawalahan sandah salalu bahilang
Mangaluar dimanamana
Gula galapung biar kada bakula tapi sakampung

Malam itu urangurang basambunyi mahintipakan
Kuburan urang mati hanyar dikubur
Luang di atas kuburan itu urang tutupi lawan butul
Kada lawas butul baisi kukus
Lalu urang ancap maambil wan manutupinya
Urangurang rami maarak butul manuju sungai landas

Di dalam butul Kamariah mainguy tangis
Maapungapung di arus sungai
Limbah ampat puluh ari tinggalam di laut
Kada muncul lagi ka dunia

Bbaru,2009


Indonesianya :


Sandah

Suaminya tak pulangpulang
Dipendam Kamariah dalam rumahnya
Bagaimana pun sabarnya pasti ada batasnya
Hatinya panas
Mendidih sampai ke ubunubun
Sopiah wajahnya merah
Matanya ke luar air panas
Diwaktu senja turun
Sopia berdiri di muka pintu
Bertunduk lalu bertengadah bertunduk kembali
Disingkapnya tapih tinggitinggi
Lalu dikipasinya dengan tampah :
Imran bulik
Lakasi bulik
Tampah terus dikipaskan
Sampai senja terkebas kelam
Imran masih terpendam

Sundal pandayangan
Dasar janda kemiangan
Orang tak bermuka tak bermalu
Mengambil suami orang
Lalu merungkup Kamariah
Dipukulnya mukanya dicakarnya
Direnggutnya rambutnya
Kamariah tungganyglanggang dirangsangnya
Imran cuma tertegak seperti patung
Orangorang datangan melerai

Kamariah si janda kembang
Memendam dendam dihatinya pada Sopiah
Walau robek di tangan Imbran tak kan dilepas
Dia makani dengan tiga biji nasi di lipatan kakinya
Dia minumi dengan air cancutnya
Imran kepayang terpendam di bawah telapak kakinya

Gula tepung waqlau tak bewarga tapi sekampung
Kampung jadi sunyi ketika malam hari
Gula tepung walau tak bewarga tapi sekampung
Rumah sepi pintu dan jendela dikunci rapat

Sandah mengharubiru kampung
Semua makanan orang kampung dijilatinya
Gula tepung walau tak bewarga tapi sekampung
Orang tungganglanggang ditemuinya
Orangorang jadi sepakat mengusir sandah
Turun membawa obor
Membawa tombak parang potongan kayu
Kampung jadi ribut mengepungi sandah
Tapi orangorang kewalahan sandah selalu menghilang
Dan gentayangan dimanamana
Gula tepung walau tak bewarga tapi sekampung

Malam itu orangorang bersembunyi mengintai
Kuburan orang mati baru dikubur
Lobang di atas kuburan itu orang tutupi dengan botol
Tak lama botol berisi asap
Lalu orang cepat mengambil dan menutupinya
Orangorang ramai mengarak botol menuju sungai deras

Di dalam botol Kamariah merintih tangis
Mengapungapung di arus sungai
Setelah empat puluh hari tenggelam di laut
Tak gentayangan lagi di dunia

Bbaru,2009

*****
sandah = sejenis kuntilanak



Sajadah Rindu

Sadikit pun kada gugup maitihi sanja
Habangnya matahari musti bahantak ka widay malam
Kerna ruhnya manyatu dalam ruhku
Dasaw laut adalah umbak jikir
Maisi sunyinya pantay

Maitihi langit dikapak burungburung
Karang wadah bataduh sagala rista

Sadikit pun kada surut
Malihat batis langit kada bapinggir
Di sanja nang sasain sanja

Kutulis alamatmu di pasirpasir
Malayarakan sajadah rindu
Ciuman umbak di pantaipantai
Adalah du’a nang kada suah diam badisir


Bbaru, 2009


Indonesianya :


Sajadah Rindu

Sedikit pun tak gugup memandang senja
Merahnya matahari akan berakhir ke tirai kelam
Sebab ruhnya menyatu dalam ruhku
Debur laut adalah ombak zikir
Mengisi sepinya pantai

Memandang langit dikepak burungburung
Karang tempat berteduh dukalara

Sedikit pun tak kan surut
Melihat kaki langit tak bertepi
Di senja yang semakin senja

Kutulis alamatmu di pasirpasir
Melayarkan sajadah rindu
Ciuman ombak di pantaipantai
Adalah doa yang tak pernah diam berdesir


Bbaru, 2009



Tiga Kitap
: A.Kohar Ib.

Ini bacalah jar matahari baisukan
Manyarahakan tiga kitap
Limbah kubuka sabutingsabuting
Mataku kagum
Ada kambang
Ada talaga
Ada cinta

Satangkay kambang malarak dalima
Tumbuh di pangkuan talaga
Disirami cahaya baisukan
Tiap angin manampur
Wangi harumnya cinta
Bakunyung di atas talaga

Bagamat kututup tiga kitap
Lalu manungadah ka rakunrakun
Ada kambang tumbuh disana

Bbaru,2009


Indonesianya :


Tiga Kitab
: A.Kohar Ib.

Ini bacalah kata matahari pagi
Menyerahkan tiga kitab
Manakala kubuka satupersatu
Mataku takjub
Ada bunga
Ada telaga
Ada cinta

Sekuntum bunga merkah delima
Tumbuh di pangkuan telaga
Disirami cahya pagi
Setiap hembusan angin
Wangi harumnya cinta
Berenang di atas telaga

Pelan kututup tiga kitab
Lalu tengadah ke awanawan
Ada bunga tumbuh disana

Bbaru,2009