Kuriding
Turai kuriding pacah buih nang kahulunya
Saluang bamudik kamana ampah asalnya
Lamat lamatan radut-radut matan bakumpai
Di tangah anjungan manungkali anak cucu
Di patah kada pang patah kuriding sasungaian
Mun pian bulik harap jangan kuriding disangkutan
Kaganangan urang bahari kilirkiliran si banyu mata
Kuriding tinggal kisah lakasi cari dimana kuburnya
Indonesianya :
Kuriding
Musik kuriding bersahut-sahutan pecah buih yang ke hulunya (sungai).
Seluang bermudik ( ikan berenang ) ke mana arah asalnya
Sayup-sayup radut-radut ( irama musik ) dari Bakumpai ( daerah Barito Kuala )
Di tengah beranda rumah ( balai ) memberi selamat ( buang sial ) anak cucu
Di patah tidak kan patah kuriding sasungaian ( nama jenis musik/alat )
Jika pian ( sebutan kehormatan pada yang tua ) berpulang harap jangan kuriding disangkutkan ( ditinggalkan begitu saja )
Teringat tetuha berlinang-linang air mata
Kuriding tinggal kenangan cepat cari dimana kuburnya
Pasar Tarapung
Matan subuh mangayuh jukung manyisih ilung di arus banyu
Banyak mambawa dagangan dijualnya kapasar tarapung
Pasar tarapung di Lok Baintan kada jauh matan Martapura
Naik ojek atawa motor ancap sampai manuju kasana
Pasar tarapung jadi idaman banyak urang nang datang kasana
Manukar buah lawan lalapan iwak garih wan pancarakinan
Kotaku bungas saribu sungai wayah hini kada nang herannya
Sungainya banyak baratik kaya apa sakira barasih
Indonesianya :
Pasar Terapung
Dari subuh mengayuh jukung menyibak ilung (eceng gondok) di arus sungai
Banyak membawa dagangan dijualnya ka pasar tarapung
Pasar tarapung di Lok Baintan tidak jauh dari Martapura (kota)
Naik ojek atau motor cepat smpai menuju ke sana
Pasar terapung jadi idaman banyak orang yang datang ke sana
Membeli buah dan sayur-sayuran ikan kering dan pacarakinan
( rempah-rempah/alat belah pecah dll.)
Kotaku elok seribu sungai sekarang ini tak ada yang peduli
Sungainya banyak yang bersampah bagaimana upaya agar menjadi bersih
Mambangkit Batang Tarandam
Tarandam batang tarandam
Timbul tinggalam di narus banyu
Hilang jua di mata hilang jua di hati
Ingat kada jua diingat
Tarandam lawas tarandam
Tarandam lawas di arus banyu
Bangkitakan lah jua batang tarandam lawas
Pusaka paninggalan urang bahari
Mambangkit batang tarandam lawas tarandam
Pusaka bahari nang lawas pang tarandam
Tabangkit jua batang tarandam tabangkit
Barakat kita gawi sabumi
Indonesianya :
Mengangkat Batang Terendam
Terendam batang terendam
Timbul tenggelam di arus sungai
Hilang juga di mata hilang juga di hati
Ingat tidak juga diingat
Terendam lama terendam
Terendam lama di arus sungai
Bangkitkan lah wahai batang terendam lama
Pusaka peninggalan nenek moyang
Mengangkat batang terendam lama terendam
Pusaka bahari yang lama terendam
Terangkat juga batang terendam terangkat
Berkat kita bekerja bergotong-royong
Batu Mesan
Kambang laus
Kambang laus cundai ditampur angin
Luruh sakaki luruh ka banyu hanyut kasubarang
Sudah putus
Sudah putus hati kada ka lain
Biarlah badanku
Biarlah badanku diambil urang
Talihat taganang
Mata kilir-kiliran si banyu mata
Sudah nasib rista diri
Sudah takdir ilahi di batu mesan
Indonesianya :
Batu Nisan
Kembang laus
Kembang laus runduk diterpa angin
Luruh sekuntum luruh ke sungai hanyut ke seberang
Sudah yakin
Sudah yakin hati tidak ke lain
Biarlah diriku
Biar diriku diambil orang
Terlihat terkenang
Mata berlinangan mengalir air mata
Sudah nasib derita diri
Sudah takdir ilahi di batu nisan
Ngaran Tapuji
Harum satanggi pudak malati
Barenteng di galung dua
Bagalang amas bakalung amas
Basusun batantang tiga
Barupa bungas baharta banyak
Apalah apa artinya
Apalah artinya
Amunlah adat budi bahasa
Kada dipakai kada dijaga
Hidup di dunia ngaran tapuji
Tabawa jua sampai kamati
Indonesianya :
Nama Terpuji
Harum setanggi pudak melati
Beruntai di gelung dua
Bergelang emas berkalung emas
Bersusun betentang tiga
Berwajah elok berharta banyak
Apalah apa artinya
Apalah artinya
Jikalau adat budi bahasa
Tidak dipakai tidak dijaga
Hidup di dunia nama terpuji
Terbawa juga sampai kemati
Tidak ada komentar:
Posting Komentar